कलिंगडाची मजेदार रेसीपी 😋😋😋

 कलिंगडापासून टूटीफ्रूटी🍒🍒

साहित्य:-

१] कलिंगडाचा पांढरा भाग [आपण कलिंगड खाऊन झाल्यावर जो भाग फेकून देतो तो कलिंगडाचा भाग त्याची हिरवी साल काढून घेणे ] :- दोन कप बारीक चौकोनी तुकडे.

२] साखर :-१ कप

३] खाण्याचे रंग :- लाल, पिवळा, हिरवा, भगवा .

कृती:- 

• प्रथम कलिंगड कापून त्यातील लाल रंगाचा भाग काढून घेणे नंतर हिरवी साल चाकूने काढून घेणे व त्या पांढऱ्याभागाचे बारीक चौकोनी काप करणे.
• गॅस वर ४ कप पाणी उकळत ठेवणे पाण्याला उकळी आल्यावर त्यात ते काप टाकणे१०-१५ मिनिटे ते काप तसेच उकळून घेणे.
• ते काप पारदर्शक झाल्यावर गॅस बंद करून त्यातील पाणी काढण्यासाठी थंड होण्यासाठी चाळणीत ओतून ठेवणे आता दुसर्या एका भांड्यात १ कपसाखर घेणे व त्या मध्ये ३ कप पाणी घालून साखर विरघळून घेणे व चिकट पाक होई पर्यंत १०-१५ मिनिटे उकळणे.
  
• नंतर गॅस बंद करणे व त्या मध्ये कलिंगडाचे काप घालणे. चार वेगवेगळ्या भांड्यामध्ये पाकासाहित थोडे थोडे हे मिश्रण घालावे. प्रत्येक भांड्यात एक-एक म्हणजे लाल, पिवळा,हिरवा,रंग घालणे.
  
• ५ ते ६ तास असेच ठेवणे तो पाक चांगला मुरे पर्यंत ठेवावा. ५-६ तासांनी पाकातून कप काढूणे वेगवेगळ्या ताटात पसरवून उन्हात वाळवावा नंतर मिक्स करून बरणीत भरून ठेवावे.
  

    

 

टीप:-

1. कलिंगडाचे काप उकळून घेताना ते पारदर्शक होईपर्यंत शिजवणे.
2. साखरेचा पाक चिकट करणे १० ते १५ मिनिटेच उकळणे खूप घट्ट करू नये.