Marathi Recipe of CAKE :- RAVA CAKE

रवा केक [RAVA CAKE]

                                                                        

                                               सहज एकदा केक खावासा वाटला बघितले तर घरी केक साठी लागणारे साहित्य कुठे आहे. मग सुचला रवा तर आहे ना घरी मग म्हटल याचाच करावा केक . मग बनला घरच्या घरी अप्रतिम केक तुम्हाला करायचा असेल तर बघा मग साहित्य आणि कृती.

रवा केक बनवण्यासाठी लागणारे साहित्य:-

1. दही - १/२ कप 
2. पिठीसाखर-१ कप
3. तेल - १/२ चमचा
4. बारीक रवा -१ १/२ कप
5. मैदा -१/४ कप
6. खायचा सोडा -१/२ चमचा
7. बेकिंग पावडर -१/२ चमचा
8. टूटीफ्रूटी -१/४ कप

कृती:-

                                                दही आणि पिठीसाखर एकत्र करणे . हलवून एक सारखे करणे नंतर त्यामध्ये तेल घालून एकसारखे हलवणे नंतर त्यामध्ये रवा व मैदा घालणे १/२ टीस्पून बेकिंग सोडा घालणे एक सारखे करून ३० मिनिटे भिजत तसेच ठेवणे. ३० मिनिटांनी रवा मऊ भिजल्यामुळे मिश्रण घट्ट वाटल्यास त्यामध्ये १ ते २ चमचे दुध घालून थोडे पातळसर करावे खूप पातळ करू नये या मिश्रणा मध्ये बेकिंग पावडर व इसेन्सघालून हलवणे व टूटीफ्रूटी घालणे व गॅसवर कुकर प्री-हिट करून घेणे. मध्यम आचेवर ५० ते ५५ मिनिटे केक बेक करणे.

                                   

महत्वाची टीप:-

1. दही ताजे व गोडसर घ्यावे.
2. रवा व मैदा घातल्यानंतर मिश्रण अर्धा तास तसेच ठेवावे त्यामुळे रवा चांगला भिजतो व फुगतो.
   
3. प्री -हिट केलेल्या ओवन मध्ये १५० डिग्री तापमानावर ४० ते ४५ मिनिटे बेक करणे.
4. मिश्रण खूप पातळ करू नये.